Magisk musikk og merkedagar opp av sekken
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
Av Nynorsk Pressekontor, NPK
Erik Halvorsen og Lena Skjerdal tryllar med musikk. (Foto: , Sogn og Fjordane Fylkeskommune)
Dei to neste vekene skal Lena Skjerdal og Erik Halvorsen trylle fram musikk saman med elevar i 1.-4. klasse Luster og Naustdal. Programmet heiter «Sy songar, sy saman - Simsalabim».
Ved hjelp av ein tryllestav får elevane vere med å trylle fram musikk med utgangspunkt i tre songar frå ulike kulturar. Musikken vert magisk, plutseleg mørk, plutseleg lys, framlengs og baklengs.
Lena Skjerdal er lektor i musikk og faglærar i drama. Ho jobbar mykje med jazz, pop/rock og etnisk musikk. Erik Halvorsen er frilansmusikar med base i Bergen, der han mellom anna er involvert i prosjekt med Olav Dale og Sondre Lerche.
Musikalsk primstav
Hanne Oftedal og Elin Grytting fortel om Primstaven gjennom song, musikk og dans. (Foto: , Sogn og Fjordane Fylkeskommune)
9. januar startar programmet «Primstaven» reisa si. I første omgang er det skular i Gaular, Høyanger og Fjaler som får besøk. Primstaven var ein slags kalender dei brukte i gamle dagar. Sidan dei færraste kunne lese og skrive rissa ein strekar og figurar på ein stav av tre og kalla han primstav. Slik kunne ein halde orden på og hugse høgtidsdagar og gjeremål i kvardagen.
Musikkpedagog og folkemusikar Elin Grytting og musikkterapeut, blokkfløytist og høgskulelærar Hanne Oftedal har laga eit program om primstaven, som dei viser til elevar frå 1. til 4. klasse.
Elevane får vere med på ei reise gjennom heile året og markerer ulike merkedagar gjennom song, musikk, rytme, dans, drama, forteljingar og improvisasjon.
Den kulturelle skulesekken er i regi av Kulturavdelinga i Sogn og Fjordane Fylkeskommune. (NPK)
