OFFISIELT LOVLEG: Den ugandiske homorettsaktivisten Frank Mugisha vann ein viktig siger i dag. Foto: Facebook.
Homolova i Uganda opphevd
Grunnlovsdomstolen i Uganda har erklært dei strenge anti-homo-lovene i landet ugyldige. – No er eg lovleg, seier den profilerte aktivisten Frank Mugisha.
Denne artikkelen er over ett år gammel og kan innholde utdatert informasjon
Artikkelen fortsetter under annonsen
Dr. Frank Mugisha er ein ugandisk homorettsaktivist og vinnar av Rafto-prisen i 2011. I ettermiddag kom han med ei nyhende som kan tyde mykje for LHBT-personar i Uganda, skriv Framtida.
Grunnlovsdomstolen i Uganda har erklært dei strenge anti-homo-lovene i landet ugyldige. Dommarane kom fram til at lova var vedteke på ulovleg vis, og derfor er i strid med grunnlova, melder Associated Press.
Bakgrunn: Presidenten i Uganda signerte lov om homofili
Saman med andre aktivistar har Mugisha kjempa imot styresmaktene sine harde anti-homo-lover. Nyleg begjærte dei grunnlovsdomstolen om å erklære lovene ugyldig.
Ugandas mangeårige president Yoweri Museveni underteikna i februar den kontroversielle lova, som rammar homofile i landet hardt.
Les også: Forbyr omvending av homofile
Lova inneberer livsvarig fengsel for homofil praksis, og gjer det straffbart å ikkje melde homoseksuell og lesbisk praksis. Lova gjer det også straffbart å sponse og oppmode til homofili.
Artikkelen fortsetter under annonsenArtikkelen fortsetter under annonsenAktivistane har hevda at lova vart vedteke utan det naudsynte fleirtalet. I tillegg hevdar dei at lova bryt den grunnlovsfesta retten til privatliv og verdigheit, i tillegg til retten til å ikkje bli diskriminert.
Les også: Ugandisk tabloidavis navngir 200 homoseksuelle
Lovforslaget har møtt fordømming verda over, og den amerikanske utanriksministeren John Kerry har samanlikna lova med antisemittisk lovgjeving under nazistregimet i Tyskland.
Breaking news , I am officially legal . The constitutional court in Uganda has declared anti homosexuality law 2014 null and void
— Dr. Frank Mugisha (@frankmugisha) 1. august 2014Les også: Lite homosex i norske skulebøker
