Homoseksuelle Franco-offer kan få erstatning
(NPK): Homoseksuelle vart i tillegg til dei mange overgrepa frå det homofobe diktatorstyret, ofte også hindra i å arbeide sidan dei vart sett som kriminelle. Det har mellom anna ført til at mange av dei i dag er minstepensjonistar.
Den britiske avisa The Independent skriv at Spanias justisminister, Juan Fernando López Aguilar, no planlegg å gje offera ein månadleg pensjon på rundt 6.500 kronar i tillegg til ei eingongserstatning på vel 100.000 kroner.
Forfølginga av homofile heldt fram i Spania også etter at general Franco døydde i 1975. Først i 2001 lovde styresmaktene å slette rulleblada til homoseksuelle som vart dømde for legninga si under Franco. Den sitjande sosialistregjeringa i Spania legaliserte i 2005 ekteskap og adopsjon for homofile - på tvers av den konservative opposisjonen og den katolske kyrkja.
Framlegget om erstatning er venta lagt fram om to månader, skriv The Independent. (NPK)