- Noreg er verdas tiande forbruksversting
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
Oslo (NTB): Ifølgje rapporten «Living Planet Report 2006» brukar nordmenn godt over tre gonger meir av dei fornybare ressursane enn det som er økologisk forsvarleg.
Viss resten av verda hadde gjort som Noreg, måtte vi ha hatt meir enn tre jordklodar, ifølgje reknestykket til WWF.
Organisasjonen la for to år sidan fram ein liknande rapport. Då hamna Noreg på ellevteplass. Opprykket til tiandeplass skyldast høge CO2-utslepp og overforbruk av fiskeriressursane, skriv Dagsavisen.
- Det er ikkje veldig overraskande at Noreg rykker opp på rangeringa.
Klimautsleppa til Noreg har jo vore aukande dei siste åra. Denne rapporten understrekar kor viktig det er å endre kursen i klimapolitikken, seier Tor Traasdahl, informasjonsansvarleg i WWF-Noreg.
Han meiner det er på tide at nordmenn lærer seg å spare energi og oppføre seg meir miljøvenleg.
Overforbruket av fisk som blir nemnt i rapporten, skyldast oppdrettsindustrien. Ifølgje Fiskeridirektoratet brukast det 1,5 millionar
tonn fisk for å lage i overkant av 500.000 tonn oppdrettslaks.
Fiskeartane som blir brukt i fôret, er for det meste småfisk som tobis, øyepål og kålmule. Ifølgje havmiljøkoordinator Maren Esmark i WWF-Noreg gir overfiske av desse artane store konsekvensar for økosystemet. (©NTB)
