Mel Gibson fordømmast for antisemittisme
Los Angeles (NTB-DPA-AFP): - Orsakinga frå Mel Gibson er utilstrekkeleg og viser ingen anger, seier Abraham Foxman som er president i Anti-Defamation League.
Ein av Hollywoods fremste filmagentar, Ari Emanuel, ber alle boikotte Gibson, medan leiaren for Simon Wiesenthal-senteret, rabbiner Marvin Heir, bed ABC avslutte samarbeidet med Gibson om ein film om holocaust.
Ifølgje Los Angeles Times vurderer Disney-konsernet å stanse distribueringa av den kommande Gibson-filmen «Apocalyto» på grunn av skandalen.
Gibson blei fredag arrestert for promillekøyring etter at han blei stansa av politiet for å køyre i 140 kilometer i timen på kystvegen i Malibu. Etter at han blei stansa, skal han ha skjelt ut politifolka med antijødiske skjellsord.
- Helvetes jødar. Jødane er ansvarlege for alle krigar i verda. Er du jøde, skal Gibson ha sagt til politiet då han blei vinka inn til sida.
(©NTB)