Frå mann til elg
Årsaka er to spesielle bileteseriar som ligg på Internett.
Motiva er høgst uvanlege og forskjellige. Men felles for dei begge er at dei viser personar som forsøker å etterligne dyreartar.
I tillegg må begge vere eit resultat av mykje tidsbruk og planlegging.
Og litt galskap.
Halvt mann, halvt elg
I ein serie på seks bilete har ein person verkeleg latt kreaitiviteten ta overhand.
Han har nemleg nytta strømpebukse, skihanskar og symjeføter for å etterlikne ulike dyreslag. I tillegg er det innslag av både tennisracketbeskyttar og joggesko.
Ekorn, struts, maurslukar og elg er berre nokre av dyra som har blitt etterlikna. Inspirasjonskjeldene har vore mange og ulike, altså.
Avfotografert i ulike posisjonar ser han riktig så overbevisande ut. Om han blir tatt like seriøst som person etter dette, er det derimot ikkje godt å seie.
Her er bileteserie 1.
Tigerhanda
Medan mange nyttar feriedagane til å male huset, hytta og garasjen, er det andre som heller lar penselen gli over andre overflater.
I denne bileteserien har hender og armar blitt malt og dekorert for å etterlikne både elefant, hane, ørn, hund og giraff.
Resultatet er veldig overbevisande. Skremmande overbevisande, faktisk.
Her er bileteserie 2.
Ferien er på hell
At desse prosjekta har vore tidkrevjande, er det ingen tvil om. Og resultata er både imponerande og inspirerande, må eg innrømme.
Men kanskje er det best at me andre lar slike aktivitetar føregå bak låste dører. Berre sånn for ordens skuld.