Ta ein kikk inn i fuglekassa
Dyr betyr mykje for mange menneske. Å høyre fuglesong om våren, å gå tur med hunden, å møte den gledesstrålande katten som ventar på deg når du kjem heim, å sjå ei ørn langt der oppe, eller berre å gå forbi nokre kyr på eit jorde er opplevingar som er gull verd.
Besøk ein fuglefamilie
Fuglar er kjekke naboar, viss ein har ein fuglekasse i eit tre. Det er artig å følgje med på livet deira, reirbygging, egglegging og mating av ungar.
Det er jo ikkje alltid det passer like godt å kome på besøk til desse naboane, og ikkje alle har dei riktige forholda for egglegging rett utanfor stovedøra. Men du kan likevel gå på besøk til herr og fru fugl utan at det forstyrrar dei i det heile, og sjå alt dei gjer.
Heime hos kjøttmeisen
Haugesunds Avis har eit
webkamera
i fuglekassa der ein kjøttmeisfamilie held til. No er ungane allereie i full sving med å lære seg å flyge, først trygt og godt inni kassa. Snart skal dei ut i verda på ordentleg. Avisa har late lesarane følgje med på heile prosessen frå meisemor flytta inn i kassa. Lesarane blei også invitert til å vere med å bestemme kva meisemor skulle heite.
Det koselege websirkuset blir kringkasta frå hagen til Joar Mortveit (18) frå Skjold. På avisa sine nettsider finn du også
videoopptak
frå små og store hendingar i kjøttmeisfamilien sitt liv.
Her er ei anna fuglekasse du kan sjå i.