Eggstokkreft av røyking

For første gong har forskarar funne ein samanheng mellom røyking og eggstokkreft.

Denne artikkelen er over ett år gammel og kan innholde utdatert informasjon

(Foto: gallery.hd.org)(Foto: gallery.hd.org)

(NPK): Dette oppdaga dei i ei gransking av 100.000 norske og svenske kvinner. Studien er eit samarbeid mellom Universitetet i Tromsø og Karolinska Institutet i Stockholm.

Kvinnene var mellom 30 og 50 år i 1991-92 då dei vart inkludert i studien. Ved utgangen av 2003 hadde 312 av desse kvinnene utvikla eggstokkreft.

Etter å ha kontrollert alle andre moglege risikofaktorar, viser resultatet av undersøkinga at kvinner som røykjer har 60 prosent større sjanse for å utvikle eggstokkreft enn ikkje-røykjande.

Også kvinner som tidlegare var røykjarar har 50 prosent større sjanse for å utvikle denne krefttypen enn ikkje røykjande, melder NRK Nordnytt.

Kvar år får i underkant av 500 norske kvinner diagnosen eggstokkreft, og i den vestlege verda er eggstokkreft den gynekologiske krefttypen som tek flest kvinneliv. (NPK)

Les meir nynorsk i Neste Klikk:


Aktuelt
Helse og samliv
Konkurransar
Kultur
Mat og drikke
Moro
Dyr
Forbruk(ar)
Nett og teknologi
Næringsliv
Reise og oppleving


Personvernpolicy