Foreldre trur at dei kan avgrense ungdomsfylla
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
(Foto: mileswitherspoon.com)
(NPK): Sist sommar trudde berre 44 prosent av dei spurde foreldra det same i ei tilsvarande undersøking.
Det er Sosial- og helsedirektoratet som har fått utført undersøkingane i samband med alkoholkampanjen «Tør å sette grenser». Tusen foreldre deltok i begge undersøkingane.
- Målet med kampanjen var å rette fokuset på kva rolle foreldra spelar som modellar og grensesetjarar for barna sine. Resultata frå evalueringa er gledelege. Dei syner at kjernebodskapen om at ungdom treng vaksne som tør å setja grenser har nådd fram, seier avdelingsdirektør Jens Guslund i Sosial- og helsedirektoratet.
- Tendensen er at fleire foreldre er medvitne på alkoholforbruket sitt når barna er til stades og at stadig fleire blir merksame på kor viktig det er å setja grenser.
Til dømes var 84 prosent av foreldra heilt eller delvis einige i at «informasjon eller formaning frå foreldre til barna kan påverke barna til å drikke mindre alkohol» i den første undersøkinga. I den siste undersøkinga var 89 prosent av foreldra einige i dette. (NPK)
