Kaizers og Renberg lagar musikal
Barneteateret ved Rogaland Teater i Stavanger fyller 50 år i 2007.
Det skal dei feire med ein jubileumsmusikal skriven av Tore Renberg. Janove Ottesen frå Kaizers Orchestra lagar musikken.
«
Det Tusende Hjertet»
Forfattaren Tore Renberg har sjølv ei fortid som skodespelar ved Barneteateret, blant anna som Willy Wonka i Charlie og sjokoladefabrikken.
No har han skrive manus til jubileumsmusikalen som har fått namnet «Det Tusende Hjertet».
Det var Renberg som valde ut Janove Ottesen til å komponere musikken til framsyninga.
Ottesen har laga musikk i fleire sjangrar før, blant anna skreiv han låta «24 timer i døgnet» til filmen «Alt for Egil», der Renberg skreiv manuset. No gledar Janove seg til å lage teatermusikk for første gong.
Unikt barneteater
Barneteateret er, i følgje nettsidene til Rogaland Teater, unikt i Europa. Framsyningane har barn i alle rollene. Instruktør, scenograf, kostymedesignar, komponist, musikarar og resten av produksjonsapparatet er 100% profesjonelle.
Bjørn Endreson (teatersjef ved Rogaland Teater 1960-1970) starta Barneteateret i 1957.