Sjølvhypnose mot høysnue
Wolf Langewitz og kollegaene ved University Hospital Basel i Sveits har undersøkt om sjølvhypnose verkar mot høysnue.
Forskingsgruppa rekrutterte 79 pasientar med moderat til kraftig allergi mot gras- eller trepollen og gav dei trening i sjølvhypnose. Forsøkspersonane vart oppmuntra til å tenkje på låge temperaturar, glitrande snøkrystallar eller andre snøfenomen.
Dei 40 pasientane som haldt ut med dette opplegget i to år viste ein nedgang i symptoma på ein tredjedel.
Kritiske stemmer seier ifølgje forskning.no at pasientane kan ha vore meir påverka av trua på at behandlinga skulle verke, enn sjølve behandlinga - men trua på sjølvhypnose kan vel strengt tatt seiast å vera ei form for sjølvhypnose i seg sjølv. (NPK)
Fleire nynorsk-artiklar: Nynorsk