Flesefossen: Ny rasteplass på Nasjonale turistveger

Flesefossen rasteplass i Brattlandsdalen i Suldal, Nasjonal turistveg Ryfylke.
Flesefossen rasteplass i Brattlandsdalen i Suldal, Nasjonal turistveg Ryfylke. Foto: Hanna Maria van Zijp/Omega 365 Design
Artikkelen fortsetter under annonsen

Der Flesefossen kjem ned fjellsida langs Nasjonal turistveg Ryfylke mellom Nesflaten og Røldal i Rogaland- har Statens vegvesen opna ein ny rasteplass med stil og karakter i arkitekturen.

Artikkelen fortsetter under annonsen

- Med inspirasjon frå blant anna Bratlandsdalåa, Flesefossen, vann og jettegryter er det forma ein rasteplass med kurva linjeføring som tar opp i seg formasjonene i terrenget, skriv Statens vegvesen, Nasjonale turistveger i ei pressemelding.

På en plattform i betong med ein langsgåande konstruksjon i stål og tre, kan vegfarande ta seg ein god rast med flott utsikt til fossen.

Eit nytt toalettbygg er innlemma i konstruksjonen. I prosjektet inngår også sittegrupper i terrenget og parkering for åtte personbilar og to bussar.

Flesefossen rasteplass i Brattlandsdalen i Suldal, Nasjonal turistveg Ryfylke. Foto: Hanna Maria van Zijp/Omega 365 Design
Flesefossen rasteplass i Brattlandsdalen i Suldal, Nasjonal turistveg Ryfylke. Foto: Hanna Maria van Zijp/Omega 365 Design

Seks nye attraksjonar i år

Rasteplassen Flesefossen er ein av seks nye attraksjonar som opnar i 2023. Inneverande år markerer Nasjonale turistvegar dessutan 30 år med kunst og arkitektur i storslått natur langs 18 strekningar.

Det var i 1993 Stortinget bad Samferdselsdepartementet om å sjå nærare på kombinasjonen veg og reiseliv. Statens vegvesen tok ansvaret. Resultatet er i dag ein nasjonal attraksjon med internasjonal appell som medverkar til auka lønsemd for lokalt næringsliv.

Artikkelen fortsetter under annonsen
Artikkelen fortsetter under annonsen

Jubileumsmarkeringa Rast viser kombinasjonen kunst, arkitektur og reiseliv langs 18 Nasjonale turistvegar gjennom 30 år. Markeringa blir halden på Arkitektur- og designhøgskolen i Oslo med seminar og utstilling i tidsrommet 15. – 25. juni.

Den nye rasteplassen er skapt av Haugen/Zohar Arkitekter, landskapsarkitekt HoloHolo AS, entreprenør BG Suldal med Statens vegvesen som byggherre.