Dette var lønna til toppsjefane i norske bistandsorganisasjonar i 2025

Denne artikkelen ble først publisert av Panoramanyheter.no

Bistandstoppane leiar organisasjonar som forvaltar store summar, både i form av offentlege midlar og private donasjonar.

Til saman hadde dei 10 største organisasjonane ei samla inntekt på omtrent 19,3 milliardar kroner i 2025. Det inkluderer både aktivitet i inn- og utland.

I 2025 måtte leiarane styre skuta i ei tid med store endringar og dramatiske kutt i den internasjonale bistanden, men kva var lønna for arbeidet?

Tidlegare oversikter i Panorama Nyheter viser at norske bistandsleiarar tener mindre enn sine kollegaer i utlandet. Samanlikna med toppleiarar i andre felt, er lønna også meir beskjeden.

Panorama si oversikt viser lønna til toppleiarane ifølge årsrekneskapen og årsrapportane til organisasjonane. Pensjon og andre ytingar er ikkje inkludert.

Her er lista:

Jan Egeland i Flyktninghjelpen

1.833.000 i lønn.

Jan Egeland har leia NRC Flyktninghjelpen sidan 2013. Organisasjonen hadde i 2025, 14.000 hjelpearbeidarar som bisto 10,6 millionar menneske i 39 land. Før han blei generalsekretær her, var Egeland blant anna FNs undergeneralsekretær for humanitære saker og nødhjelpskoordinator, statssekretær (Ap) i Utanriksdepartementet, generalsekretær i Røde Kors og direktør for Norsk utanrikspolitisk institutt (NUPI).

Grete Herlofsen i Røde Kors

Leiarrolla i Røde Kors blei i løpet av 2025 dekka av tre personar: Anne Bergh, Simen Saxebøl (konstituert 1. april – 15. oktober) og ny generalsekretær, Grete Herlofson.

Årsrapporten til organisasjonen viser at den samla utbetalte lønna til dei to generalsekretærane i 2025 var 859.000 kroner. Ytingar til den konstituerte er ikkje inkludert i dette talet.

Ifølge Herlofson si arbeidskontrakt ville samla lønn ved utgangen av året vore 1.700.000 kroner.

Før ho blei generalsekretær i Røde Kors, har Herlofsen vore generalsekretær i Redningsselskapet og i Norske Kvinners Sanitetsforening. Ho har også tidlegare vore tilsett i Røde Kors, blant anna som direktør for den nasjonale avdelinga.

Henriette Killi Westhrin i Redd Barna

1.503.000 i lønn.

Henriette Killi Westhrin har sidan 2024 leia Redd Barna Norge. Organisasjonen er ein del av den internasjonale organisasjonen Save the Children, som har over 24.000 tilsette i over 90 land. Før Westhrin tok over som generalsekretær i Redd Barna, var ho generalsekretær i Norsk Folkehjelp i over seks år. Ho har også bakgrunn som politikar for Sosialistisk Venstreparti (SV), der ho var nestleiar frå 2003 til 2007 og statssekretær i åtte år.

Anne Cecilie Kaltenborn i Kirkens Nødhjelp

Det var eit leiarskifte i Kirkens Nødhjelp i 2025.

Anne Cecilie Kaltenborn tok over etter Dagfinn Høybråten i april 2025 og hadde ei løn på 869.000 ved utgangen av året.

Til saman hadde dei to ei lønn på 1.493.000 som også er den avtalte årslønna ved utgangen av året.

Kirkens Nødhjelp har over 800 tilsette og arbeider i meir enn 25 land. Før Kaltenborn tok over som leiar av organisasjonen i fjor, var ho blant anna generalsekretær i Leger Uten Grenser Norge frå 2012 til 2015, viseadministrerande direktør ved Lovisenberg Diakonale Sjukehus og politisk rådgivar for helse- og omsorgsministeren. Ho har også vore administrerande direktør i NHO Service og Handel, jobba for Utanriksdepartementet i Kina og vore styreleiar for FN Sambandet.

Sissel Aarak i SOS barnebyar

1.456.000 i lønn.

Sissel Aarak tok over som leiar av SOS barnebyar i 2020 etter å ha jobba åtte år i organisasjonen som programsjef. Den internasjonale organisasjonen SOS-barnebyar er til stades i over 130 land og territorie. SOS barnebyar i Norge hadde i 2025 ein eigen norsk programportefølje i 11 land og bidrog med prosjektmidlar i totalt 108 land. I 2026 braut den norske delen av organisasjonen med den internasjonale føderasjonen dei hadde vore del av sidan 1964.

Før Aarak tok over som leiar av organisasjonen arbeida ho som seniorrådgivar innan HR hos Utlendingsdirektoratet (UDI) og som HR-rådgivar for det norske nettleserselskapet Opera.

Raymond Johansen i Norsk Folkehjelp

1.453.000 i lønn.

Raymond Johansen tok over stillinga som generalsekretær i Norsk Folkehjelp i januar 2024. Organisasjonen har hatt rundt 2300 tilsette fordelt på over 35 land, men står no overfor massive kutt etter å ha takka nei til amerikanske midlar grunna krav knytt til abort, likestilling og mangfald.

Før han blei leiar i Norsk Folkehjelp, jobba Johansen blant anna som statssekretær i UD, generalsekretær i Flyktninghjelpen, som partisekretær i Arbeidarpartiet og som byrådsleiar i Oslo.

Maria Greenberg Bergheim i UNICEF Norge

1.349.000 i lønn.

Maria Greenberg Bergheim har leia UNICEF Norge sidan 2023 og starta i organisasjonen året før som utviklingsdirektør. Ho har tidlegare jobba som politisk rådgivar på Stortinget i fleire år og i organisasjonen Kristent Interkulturelt Arbeid (KIA).

UNICEF Norge har rundt 45 faste tilsette og er ein av 36 nasjonale støttekomitear til det globale hovudorganet FNs barnefond (UNICEF). Støttekomiteane jobbar med å samle inn pengar til UNICEFs internasjonale arbeid, og med opinionsarbeid for barns rettar.

Lindis Hurum i Leger utan grenser

1.332.000 i lønn.

Lindis Hurum tredde inn i rolla som generalsekretær i Leger Uten Grenser i 2021. Før dette jobba ho som feltarbeidar gjennom organisasjonen i 15 år på 22 forskjellige oppdrag.

Leger utan grenser sende i 2025 ut 80 internasjonale mobile hjelpearbeidarar til prosjekt i 31 forskjellige land.

Kari Helene Partapuoli, Plan International Norge

1.304.000 i lønn.

I 2025 var det framleis Kari Helene Partapouli som var generalsekretær i Plan International Norge. Mot slutten av året kunngjorde ho at ho slutta i organisasjonen for å gå over til ny leiarstilling i Norske Kvinners Sanitetsforening.

Partapuoli kom til Plan frå Utviklingsfondet i 2018. Før dette var ho også dagleg leiar for Antirasistisk Senter og Diversity Works i København.

I juni 2026 blei Gunvor Knag Fylkesnes tilsett som hennar etterfølger.

Tørris Jæger i Regnskogfondet

1.242.000 i lønn.

Tørris Jæger har leia Regnskogfondet sidan 2020. Før dette var han i Røde Kors der han blant anna var utanlandssjef.

Regnskogfondet arbeider med rundt 50 organisasjonar i seks regnskogland i Amazonas, Sentral-Afrika og Søraust-Asia.

Ingrid Rosendorf Joys i Caritas Norge

1.223.000 i lønn.

Ingrid Rosendorf Joys har vore generalsekretær i Caritas sidan 2023. Organisasjonen er ein del av den internasjonale Caritas bevegelsen som har nærvær i meir enn 200 land og territorie globalt.

Før Joys blei generalsekretær i Caritas, sat ho i same stilling i Samarbeidsrådet for tros- og livssynssamfunn (STL) i åtte år.