Sukkerfritt ved kassa
Slitne og svoltne kundar i kø framfor kasseapparatet blir lett bytte for freistingar i form av snop og snacks som står strategisk plassert.
No seier leiaren av butikk-kjeda ICA, Erland Björn, at dei ønskjer å endre denne praksisen som eit ledd i satsinga på sunnare mat. Han fortel at ICA ønskjer ønskjer å by kundane sine sunnare freistingar ved å innføre ei prøveordning med ha sukkerfrie soner rundt kassa.
Gler seg
Rådgjevar Ellen Bjørkum i Forburukarrådet er svært nøgd, og seier til avisa Vårt Land at mykje av snopet som blir tilbode i kasse-sonen er sett i barnehøgd.
- Eg trur mange småbarnsforeldre vil vere glade for dette, seier ho.
Den sukkerfrie sona skal i første omgang testast ut i ein nyopna ICA-butikk i Oslo. Der skal snop, snacks og brus byttast ut med tørka frukt, nøtter og flaskevatn.
Björn legg ikkje skjul på at usunne godsaker sel godt og bringar mange pengar inn i kassen. Samstundes må butikken vere var for kva det er kundane verkeleg ønskjer, seier han.
Kjelde: Vårt Land