Nordmenn vil ha etiske varer
(NPK): Det kjem fram i ei undersøking som Opinion har gjort for Norad.
I undersøkinga kjem det fram at forbrukarane har eit tydeleg ønske om å framstå som ansvarlege. Folk er i stor grad motiverte av etikk og det å utvise ansvar når dei handlar.
Vel 72 prosent av dei spurde seier at det er ganske eller svært viktig for dei at matvarene er produserte på ein etisk og forsvarleg måte.
- Vi håpar at norske importørar vil ta omsyn til holdningane blant forbrukarane og vise større ansvar for etiske forhold. På den måten kan norske importørar bidra til betre tilhøve for arbeidarar i utviklingsland.
Utbyttande arbeidsforhold, barnearbeid, arbeidsulukker og miljøøydeleggingar held utviklinga tilbake, seier rådgjevar Mari Sofie Furu i Norad til Dagligvarehandelen. (NPK)