Når det indre tel
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
Dei stygge, men sjarmerande dokkene finst i mange ulike utgåver. (Foto: designdelicatessen.dk)
Barbie har vore verdas mest kjende og bestselgjande dokke sidan 1959, i følgje Wikipedia. Men i dei siste åra har den vakre dokka blitt møtt med protestar frå foreldre, blant anna fordi dei meiner den ikkje gir ungane eit sunt kroppsbilete.
Men her er nokre dokker som neppe vil skape same reaksjonar frå bekymra foreldre. Møt UglyDolls.
Uvanlege dokker
UglyDolls er alt anna enn vakre å sjå til. Dei er både uproposjonale, lite fotogene og kjem i usjarmerande fargar som blant anna spygrønn og brun. Særleg kloke er dei heller ikkje, ifølgje reklamen. Men dei er kjærlege og ærlege.
Gløym Barbie! Ho er alt for perfekt. (Foto: lexpress.mu)
Gløym Barbie
Barbie har pefekt hud, hår og kropp. Men perfekt er kjedeleg. Dei stygge dokkene er mykje morsomare.
Ei UglyDoll kan ein ta med ut i søla og rive ut eit auge på. Ein kan tilfeldigvis miste ho under bilen og kjøre over ho. Igjen og igjen.
Og ein kan forsøke å tenne på ho. Berre for moro skyld, liksom. For UglyDolls bryr seg ikkje. Dei kan ikkje bli styggare, uansett.
Gløym Barbie, folkens.
Personleg trur eg ikkje Barbie er særleg snill heller. For som Arve Juritzen har sagt:
- Hvis Barbie er så snill, kvifor må ein heile tida kjøpe ho nye vener?
OX er ikkje pen, og ikkje så nøye med å levere tilbake ting han låner. (Foto: kidrobot.com)
Namnet er OX
OX heiter ei av dei spygrønne dokkene. Navnet står visstnok for kyss og klem. Men korleis kan han klemme nokon med dei korte armane? Han nyttar dei lange øyrene. Smart, ikkje sant?
I tillegg er dokka ein liten tjuvradd. I følge beskrivelsen «låner» han ting, og beheld dei i nokre hundre år. Då får ein dei tilbake igjen, men ikkje før.
Ein berre må elske han!
Spennande historie
Historia til UglyDolls byrja i Los Angeles. David Horvath sende kjærleiksbrev til kjærasten som budde i Korea. Kvart brev avslutta han med ei teikning av eit stygt dyr. Som julegåve overraska kjærasten hans han derfor med ein sjølvsydd versjon av eit av kosedyra han hadde teikna. Den julegåva er no kjend som UglyDolls. Sjarmerande.
Til filmen
Dei stygge dokkene er håndsydde, og har blitt populære i USA og Danmark. I løpet av 2006 skal det kome to filmar som skal gjere dei endå meir populære.
