75 Finnmarks-millionar utan effekt
Oslo (NTB): - Det må være openbert for alle at denne satsinga er feilslått. Vi ser få resultat av krisepengane, seier Vardø-ordførar Rolf Einar Mortensen til Nationen.
Men det er ikkje pengane sin feil at det blei så få arbeidsplassar. Det er feil bruk av pengane. Ordføraren meiner midla burde vore kanalisert til dei kommunale næringsfonda og til Aetat. I tillegg kunne Innovasjon Norge kome inn med verkemiddelapparatet sitt.
- Slik kunne det blitt skapt nye, stabile arbeidsplassar, seier ordføraren.
Nesten 24 prosent av dei yrkesaktive i Vardø er arbeidssøkjande. Årsaka til den høge arbeidsledigheita er konkursar ved fleire av kommunen sine hjørnesteinsbedrifter dei siste tre åra. Til saman har 310 personar i Vardø mista jobbane sine dei siste åra. (©NTB)