Klypper plenen medan du les avisa
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
Den nye grasroboten til Beck Import klypper plenar opp til 2000 kvadratmeter - heilt automatisk.(Foto: Pressbox.no)
Roboten Robomow kan programmerast til å klyppe plenen av seg sjølv til bestemte tidspunkt.
Og ikkje nok med det, roboten sørgjer også for å lade seg opp på eiga hand.
Tek den optimale ruta
For å køyre utanom blomsterbed, tre og hagereiskapar, har den heilautomatiske nyvinninga innebygd eit navigasjonssystem. Informasjonar frå det innebygde kompasset, hjulomdreiingane og ein leidning langs grasplenen sin kant, får Robomow til å klyppe i den mest optimale ruta.
Medan du les avisa, klypper Robomow plenen på null komma niks.(Foto: vanning.no)
Når graset er klypt vert det sendt tilbake til plenen, kor det fungerer som naturleg gjødsel. Dette gjer all oppsamling unødvendig.
Bråket frå bio-vidunderet skal også vere upåklageleg. Den danske produsenten går ut frå at støynivået er omlag ein tiandedel av ein motordriven grasklyppar.
Klypper 2000 kvadratmeter
Og om du skal vatne plenen din, skal grasroboten visstnok vere særs enkel å handtere. Om du trykkjer på start, så gjer roboten resten.
Lurer du på om vidunderet klarer å ta alle grastustane i din store hageflekk, har vi dessutan høyrt at maskina faktisk klarer å gjere reint bord på grasplenar opp til 2000 kvadratmeter. Slå den du!
