Vil lage samekufter i Kina
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
Magnhild Mathisen håper å få fortgang i arbeidet med å få patentbeskytta den samiske kufta. (Foto: Sametinget.no)
Steinar Nordeng i Bunadworld.com fekk bunadsfolket til å sjå raudt då han starta med produksjon av norske bunader i Kina. No vil han utvide produksjonen til å også omfatte samekufter.
Vil låne kufter
- No er eg på jakt etter å få lånt nokre kufter eg kan ta med meg til Kina, seier Nordeng til avisa
Ságat
.
I følgje Nordeng vil ikkje kufter sydde i Kina vere dårlegare enn dei som er sydde av samiske handverkarar.
Men sametingsrepresentant Magnhild Mathisen, som også syr kufter, håper å få fortgang i arbeidet med å få patentbeskytta den samiske kufta.
Låg pris
Bunadworld sel allereie fleire norske bunader til langt lågare pris enn ein må ut med for dei på Husfliden. Grunna låge kinesiske lønningar kan dei selje til dømes nordlandsbunaden til dame omlag 25% billegare enn konkurrenten.
Fabrikken i Kina har gode arbeidsforhold og driv ikkje med barnearbeid, ifølgje Bunadworld.com. (Foto: Bunadworld.com)
Både stoff, saum og broderi produserast i Kina.
Tusenårige broderitradisjonar
- Kinesarane har tusenårige tradisjonar i brodering, og er kjende for broderi så vakre at vi trur det er måleri. Det er ingenting å utsetje på det handverksmessige, seier Nordeng til avisa
Nordlys
.
Piratkopiering
Norges Husflidslag ser på kinaproduksjonen som piratkopiering, men når ikkje fram juridisk.
To kinesiske sydamer iførd nordlandsbunader, skreddersydde for norske damer. (Foto: Bunadworld.com)
- Det er vanskeleg å dokumentere opphavsrett til bunadene, seier Tove Gulsvik, Administrerande direktør i Norges Husflidslag til Nordlys. Ho understrekar at dei synest utflagginga av norsk kulturarv er etisk betenkeleg.
Utvatnar tradisjonane
Også Husfliden er uroa over situasjonen.
- Vi synest det er trist at tradisjonane våre blir utvatna på denne måten, seier Anne Lise Hopstad, dagleg leiar ved Husfliden i Bodø. - Kundane som kjøper denne bunaden får ein kopi frå Kina kor handverksteknikkar og tradisjonar ikkje er ivaretatt, meiner Hopstad.
