Historia om eit fantastisk liv
Filmen frå 1994 vart ein stor publikums- og kritikarsuksess og vann blant anna heile seks Oscar-statuettar.
Ikkje som alle andre
Forrest Gump (Tom Hanks) er ikkje heilt som alle andre. Han har ein IQ som ligg ein del poeng under gjennomsnittet, han har skjener på beina og ein rygg som er krum.
Då gjer det godt å ha ei kjærleg mor (Sally Field) som passar på.
Mora fortel Forrest at han er nøyaktig som alle dei andre, og at han aldri må la nokon innbille han noko anna.
Opplevingar i kø
Men Forrest Gump får eit alt anna enn ordinært liv.
Han deltek i Vietnam-krigen, spelar fotball på toppnivå, blir meister i bordtennis, helsar på presidentar og lærer Elvis å danse med stil.
Ikkje dårleg for ein gut med eit så enkelt sinn.
Dyktige skodespelarar
Tom Hanks vart skamrost for si tolking av hovudrolla i denne filmen. Både han og regissør Robert Zemeckis vann kvar sin Oscar for prestasjonane sine.
Av andre skodespelarar finn me blant anna Robin Wright Penn, Gary Sinise, Mykelti Williamson og Sally Field.
Forrest Gump står forresten bak eit av dei mest kjende filmsitata i verda: «Mama always said life was like a box of chocolates. You never know what you're gonna get.»
Filmen om Forrest Gump er basert på boka frå 1985 med same namn. Forfattaren heiter Winston Groom (fødd 1944), og han var sjølv soldat under Vietnamkrigen.
Sendetid
Filmen går på TV 2 laurdag klokka 22.05, har ei anbefalt aldersgrense på 11 år og varar i 2 timar og 22 minutt.
God fornøyelse!