Kultur-klikk: Isaksen er ikkje redd for finkultur
Namn:
Torbjørn Røe Isaksen
Alder:
28
Bur:
Oslo, men kjem frå Porsgrunn
Jobbar med:
Leiar i Unge Høgre og politisk redaktør i tidsskriftet minerva.
- Kva bok les du for tida?
- Nå er eg akkurat ferdig med «Heart of Darkness» av Joseph Conrad, og skal lese «Ut av Fatning», ei samtalebok med professor emiritus Asbjørn Aarnes.
- Kva er den beste filmen du har sett?
- Kjem an på kva humør eg er i, men eg elskar storslåtte drama, så «Braveheart» kjem høgt opp.
- Kva CD vil du anbefale?
- Akkurat nå den nye til The Roots, som skal ha konsert i Oslo i høst.
- Kan du nemne tre ord du assosierer med kultur?
- Kulturuke er no eitt.
- Kva vil det seie å vere kulturell?
- Breidt forstått er det vel umuleg for eit menneske å ikkje vere kulturell i tydninga rotfesta i eit samfunn med sine tradisjonar, idear og verdiar.
- Av og til vert nok ordet brukt litt negativt om finkultur, men vi skal ikkje vere redde for å ha kulturtilbod som ikkje alle har lyst til å bruke. Tvert i mot.
- Brukar me for mykje eller for lite pengar på kultur her i landet?
- Akkurat passe, men det er ikkje sikkert vi bruker pengane riktig.
- Brukar du sjølv mykje pengar på kultur (konsertar, bøker, teater osb)?
- Ja.
- Viss du vart kulturminister, kva er den første saka du ville tatt tak i?
- Alle stønadsordningane som sementerer kulturlivet i staden for å skape dynamikk og nye tankar.
- Er det felt innan kulturen du ikkje kjenner, men som du kunne tenkje deg å bli betre kjend med?
- Absolutt! Kulturpolitikken er svært fragmentert, og eg kunne godt tenkje meg å bli betre kjend med heile feltet. Kjenner best filmpolitikken, men sjølv der er eg ei novise.
- Kva kulturperson kunne du tenkje deg å ha piknik med? Kva skulle de finne på, utanom å ete?
- Eg kunne tenkje meg å ete kveldsmat med Anne Cath Vestly, så kunne ho lese bøkene sine for meg til eg sovna. Det hadde vore toppen av hyggje.
- Kva yrke innan kulturlivet kunne du tenkje deg å prøve?
- Eg tenkjer først og fremst på alle kulturyrka eg ikkje hadde hatt evner til å forsøkje, men det kunne ha vore morosamt å vere konsulent i Norsk Filmfond.
- Er TV kultur eller ukultur? Er det nokre spesielle TV-program du følgjer med på?
- TV er jo eit medium, og er vel verken kultur eller ukultur. Eg brukar TVen når eg skal sleppe å tenkje, og ser stort sett på dei amerikanske seriene som går seint på kvelden, som «Simpsons» og «Family Guy».
- Kva er spesielt for norsk kultur?
- Kombinasjonen av ein antiautoritær tradisjon og den sterke kollektivismen vår. Også brunosten da.
Tidlegare i Kultur-klikk:
Arne Hjorth Johansen
Erlend Fuglum
- Frid Ingulstad
- Finn Tokvam
Les meir nynorsk i Neste Klikk: