Norsk film i vinden
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
(NPK): Det vil seie at målsetjinga til kulturminister Trond Giske om 25 prosent marknadsdel for norske filmar slett ikkje verkar uoppnåeleg.
I fjor gjekk talet på selde kinobillettar ned med fem prosent, og fekk enkelte til å konkludere med at den internasjonale kinokrisa var komen til Noreg.
Men ifølgje tal som Dagsavisen har fått frå Filmweb, film- og kinobransjens IT-selskap, viser kinomarknaden klare teikn på snarleg betring. Fram til 31. august i år er det blitt selt 13 prosent fleire billettar på norske kinoar totalt. Norske filmar utgjer 16 prosent av kaka.
Ein av dei mest erfarne og prisløna filmprodusentane i landet, John M. Jacobsen, meiner kulturminister Giske likevel må tenkje annleis dersom vi skal nå målet om 25 prosent marknadsdel.
-Han må i så fall leggje til rette for at vi får fleire breie og annleis filmar. Dei norske filmane som kjem i dag er stort sett laga med dei same budsjettet, og handlar som regel om Oslo og ungdom, seier John M. Jacobsen til Dagsavisen.
Ei ramme på 12-13 millionar kroner er eit vanleg støttebeløp frå Norsk Filmfond.
- Vi er blitt kjempeflinke til å lage filmar i Noreg, med både gode regissørar og manusforfattarar. Men det er litt sånn godt norsk sosialdemokrati, der alle får litt og gjerne litt for lite til alle, seier Jacobsen. (NPK)
