Flyttar til øya si
Skodespelaren Johnny Depp (43) er ikkje kjend for å vere verken straumlineforma eller Hollywood-tilpassa. Han gidd ikkje bu i USA, og no har han openbert fått lyst på noko anna enn Europa og.
Pirat og privat
I desse dagar raidar han kinolerreta med sjørøvarfilmen «Pirates of the Carribean - Dead Man's Chest». Privat driv Depp og kona Vanessa Paradis (33) og planlegg flytting til Bahamas, kor begge filmane om sjørøvaren Jack Sparrow delvis er spela inn.
Det kan verke som at Depp lika seg så godt på Bahamasøyene, at han no kan tenkje seg å bu der fast.
Bahamas blir heime
Det var etter den første av «Pirates of the Carribean»-filmene at Depp faktisk kjøpte seg si eiga øy på Bahamas. Øya er 0,14 kvadratkilometer stor, og Depp betalte 3 millionar dollar, eller omlag 20 millionar kroner, for ho. Øya ber namnet «Little Hall's Pond Cay».
- Me ønskjer å tilbringe meir tid på Bahamas i framtida fordi det er ein heilt annan måte å leve på her, meiner Depp, ifølgje nettstaden Real.com.
- Bahamas vil bli heimebasen vår.
Marlon Brando
Det var vistnok ikkje berre filminga av «Pirates of the Carribean» som inspirerte Depp til øykjøpet. I eit intervju med The Guardian fortel Depp at hans store idol og gode ven Marlon Brando også var ei inspirasjonskjelde.
- Kanskje eg skal gjere som Brando gjorde for 30 år sidan: Kjøpe ei øy. Ta med jenta mi...og berre dra dit og sove.
Slik tenkte Depp i 1996, og men først i 2004 gjorde han altså alvor av det.
Dum hundekvalp
Johnny Depp og Vanessa Paradis har barna Lily Rose (7) og Jack (4). Familien har budd i heimlandet til Paradis, Frankrike, i mange år.
I høve at paret forlot Amerika for å bu i Frankrike, uttalte Depp ein gong at «Amerika er som ein dum kvalp med store tenner. Han kan bite deg og skade deg. Han er agressiv.».
Frå agressive USA via Frankrike til avslappa Bahamas, slik går no ferda førebels for Johnny Depp.
- Men me vil tilbringe tid både i Frankrike og Statane, seier Depp.
- Så barna våre vil vekse opp i fleire kulturar.
Visste du dette om Johnny Depp:
Han heiter eigentleg John Cristopher Depp II.
Før han vart skodespelar, levde han på byggjeplassar og med å selje kulepenner per telefon.
I rollelista til «Freddy's Dead: The Final Nightmare» blei Depp kreidert som «Oprah Noodlemantra».
I tillegg til å vere skodespelar, regissør og produsent, er han ein habil musikar. Han spela gitar i filmen «Chocolat».
Depp seier sjølv at sjørøvarkarakteren Jack Sparrow er basert på Rolling Stones-gitarist Keith Richards.
Kjelder: imdb.com, Urban Dictionary, The Guardian og westlord.com.