Ville ville vesten
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
Dei hemmelege agentane Jim West og Artemus Gordon. (Foto: metroactive.com)
Filmen går føre seg i USA på slutten av 1800-talet, like etter at den amerikanske borgarkrigen er over. Der planlegg den stormannsgalne Dr. Loveless å drepe presidenten og ta over makta.
To hemmelege agentar
Derfor tilset presidenten dei to hemmelege agentane Jim West (Smith) og Artemus Gordon (Kline). Duoen blir sendt med toget vestover, og må gjere seg klare til kamp. For å seire må dei samarbeide, sjølv om den eine sver til revolver og den andre til forkledning.
Skyt først, spør etterpå. (Foto: wildwest.warnerbros.com)
Og så kan dei forresten ikkje fordra kvarandre, heller.
Middelmådig parodi
Filmen parodierar westerngenren, og har generelt blitt mottatt som middelmådig av anmeldarar. VG kallar filmen for «westernmas», medan FilmListen.no påstår at filmen kunne fått grunnleggjarane av Warner Bros til å snu seg i grava.
Å forsøke å drepe presidenten er ikkje så lurt, Dr. Loveless. (Foto: wildwest.warnerbros.com)
Men det er jo ikkje alltid ein er einig med kritikarane, og dessutan er det jo ingenting som kan måle seg med å sjå ein skikkeleg dårleg film.
I rollane møtar vi i, tillegg til Smith og Kline, blant andre Kenneth Branagh, Salma Hayek, Ted Levine, M. Emmet Walsh, Bai Ling, Musetta Vander og Sofia Eng. Regien er ved Barry Sonnenfeld.
Sendetid
Filmen går på TV Norge på laurdag klokka 21.30, har 15 års aldersgrense og ei speletid på 1 time og 47 minutt.
