Egyptiske styresmakter jaktar på «Da Vinci-koden»

Egyptiske styresmakter beslagla måndag 300 eksemplar av boka «Da Vinci-koden», som ein forleggjar hadde fått tilsendt frå Paris.

Denne artikkelen er over ett år gammel og kan innholde utdatert informasjon

(Foto: images-eu.amazon.com)(Foto: images-eu.amazon.com)

Cairo (NTB-AFP): Boka er ikkje offisielt forbode i Egypt men informasjons - departementet i landet har åtvara forleggjarar og bokhandlarar mot å selje ho.

Tidlegare i månaden blei 2.000 kopiar av filmversjonen av Dan Browns populære bok beslaglagt i Egypt, og eigaren av eit lokalt filmselskap blei arrestert.

Kulturminister Faruq Hosni varsla deretter eit forbod mot filmen og på grunnlag av at ho «vanhelgar religionane».

Hosni gjorde det samstundes klart at hans eige departement ville hjelpe informasjonsdepartementet med å sikre at «Da Vinci-koden» ikkje finn vegen inn i egyptiske bokhyller.

«Da Vinci-koden» har utløyst sterke reaksjonar blant dei koptiske kristne i Egypt, som utgjer mellom 6 og 10 prosent av landets befolkning på 72 millionar og kallar boka blasfemisk. (©NTB)

Les meir nynorsk i Neste Klikk:
Aktuelt
Helse og samliv
Konkurransar
Kultur
Mat og drikke
Moro
Dyr
Forbruk(ar)
Nett og teknologi
Næringsliv
Reise og oppleving


Personvernpolicy