Sommarklikk: Brus og sjølvfiska aure
Denne artikkelen er over ett år gammel og kan innholde utdatert informasjon
Åshild Vetrhus og resten av Tindra er ute med plata Lukkeleg vaking, der du blant anna får høyre om den store trosten som forelskar seg. (Foto: tindratrio.com)
Etter fleire år med mykje speling, mykje skryt og mange gode konsertopplevingar rundt om i Noreg, er folkemusikkgruppa Tindra endeleg å få tak i på cd. Songar i gruppa, Åshild Vetrhus, er stolt av plata, og meiner tittelkuttet «Lukkeleg vaking» må vere den ultimate sommarlåten.
- Kor er du i ferien?
- Når ferien kjem håpar eg å vera heime på hytta i Suldal. Der kan ein verkeleg slappa av på beste måte.
- Kva er favoritt-isen din?
- Båt-is!
- Kva er den beste sommarmaten?
- Grilla, sjølvfiska småaure.
- Kva gjer du når det regnar?
- Eg er tross alt songar, kva trur du eg gjer? I`m singing in the...
Båt-is er den beste isen, ifølgje Åshild Vetrhus. (Foto: Neste Klikk)
- Kor går draumereisa?
- Til ein stad der alle vil kjøpe den nye cd-en til Tindra, kanskje Kina ville vore bra? Der bur det mange.
- Saltvatn, ferskvatn eller klor?
- Definitivt ferskvatn.
- Kva er ditt tips til sommarlektyre?
- «Elefantmusikken» av Ragnar Hovland, eller «Kjærleikboka» av Pernilla Stalfelt. To av mine absolutte favorittar.
Tindra består av Jorun Marie Rypdal Kvernberg (fele), Irene Tillung (akkordeon) og Åshild Vetrhus (song). (Foto: tindratrio.com)
- Kva er den ultimate sommarlåten?
- «Lukkeleg vaking» med Tindra, sjølvsagt.
- Kva er det finaste sommarordet du veit?
- Brus.
- Kva synast du alle utanlandske turistar burde få med seg i Noreg?
- Skandinavisk Folketone, ein festival som går kvart år i juni på Haukeliseter Fjellstove. Den er dessverre over for denne sommaren, men her kan utanlandske turistar oppleva suggererande norsk og skandinavisk folkemusikk og dans i uforgløymelege omgjevnader på høgfjellet.
Les meir på nettet:
Tindra si nettside
Høyr låten
«Lasseskaren
»her
