Planarbeid for nynorskfaget i gang
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
(Foto: Noregs Mållag)
(NPK): Rapporten er skriven av ei frittståande arbeidsgruppe, som på oppdrag frå regjeringa har sett på norskfaget i det fleirkulturelle samfunnet i brei forstand.
Med bakgrunn i tilrådingane frå gruppa, har Kunnskapsdepartementet gjeve Utdanningsdirektoratet i oppdrag å utarbeide ein strategiplan for nynorsk i skulen, både for elevar med nynorsk som opplæringsspråk og for sidemålsundervisninga i nynorsk.
Underdirektør Jorunn Holen i Utdanningsdirektoratet opplyser at prosessen er i gang. Arbeidet blir koordinert frå direktoratet, i samarbeid med Nynorsksenteret i Volda.
- Elles kan eg ikkje seia så mykje om arbeidet enno, anna enn at utkast til strategi er planlagt å kunne sendast over til departementet 1. desember 2006, seier Holen.
Når det gjeld tilrådinga i rapporten om administrativ programvare og oppslagsverk på nynorsk, fortel Holen at dette må vurderast i samband med det arbeidet som går føre seg i departementet med retningsliner for tilskot til parallellutgåver. (NPK)
