Olme beist eller søte kosedyr
I den britiske komedien «Olme beist» (Fierce Creatures) frå 1997, møter vi John Cleese i kjend stil.
Eit stort, multinasjonalt selskap har kjøpt opp ein dyrepark i London, og den nye leiinga har ein overraskande strategi for å trekkje til seg besøkjande.
Ein sikker vinnar
Ideen er at dyreparken skal fyllast med skumle og ekle dyr som skremmer gjestene. Menneskeetande rovdyr, til dømes, er ein sikker vinnar ifølgje den nye leiinga.
Menneske og monster
Dei tilsette i dyreparken set seg i mot planane, og er meir for den velprøvde stilen med koselege, søte dyr. Det ligg an til ein konflikt mellom arbeidarar og leiing, og mellom menneske og monster.
Enkelte blei skuffa då dei såg denne filmen, fordi dei venta noko like bra som «A fish called Wanda» frå 1988. Men viss du ikkje har sett Wanda, eller klarer å gløyme det, er «Olme beist» ein absolutt sjåverdig og morosam film.
I tillegg til John Cleese får vi sjå Jamie Lee Curtis, Kevin Kline, Robert Lindsay, Michael Palin og Ronnie Corbett. Regien er ved Robert Young og Fred Schepis.
«Olme beist» ser du på NRK 1 laurdagskvelden klokka 23.35. Tilrådd aldersgrense på filmen er sju år.
Les meir på nettet:
Heimesida til John Cleese
Meir sakleg info om John Cleese hos IMDB