Sponsa fødsel
Den gravide magen er den nye annonseplassen, skal vi tru nettstaden
boston.com
.
21 år gamle Francis auksjonerte bort reklamerettane til graviditeten sin på
eBay
. Eit internettføretak i California gav det høgaste bodet, og fekk rettane for 1000 dollar.
Fødselen blir kringkasta
For pengane får internettselskapet plassere ei midlertidig tatovering med logoen sin på den store magen til Frances. I tillegg får dei også kringkaste den nært føreståande fødselen live på nettet.
I følgje
boston.com
er ikkje ideen om reklame på levande menneske ny.
I fjor tente ein 22-årig mann meir enn 37000 dollar på å gå ein månad med ein logo i panna.
Ei kvinne auksjonerte vekk reklamerettane til kleda til babyen sin. 1000 dollar ville kvinna ha i betaling i månaden for at babyen hennar skulle vere reklameplass.
Enkelt og billig
- Ideen er enkel. Å gjere noko uvanleg, få mediadekning, og nå gjennom til forbrukarar som allereie ser opp til 3000 reklamebodskap om dagen, seier Floyd Hayes frå firmaet Cunning Communications som har spesialisert seg på mediastunts.
- Ein gravid mage med reklame får folk til å snakke, og det er verd mange reklamekroner, fortset Hayes til
boston.com
.