Byfjell-baluba i Bergen

Artikkelen fortsetter under annonsen

Kunstnaren Arne Magnar Rygg skapar debatt i Bergen ved å, i ekte Hollywoodstil, plassere orda «Gud», «Kong Harald» og «Norge» på eit av dei sju byfjella.

Denne artikkelen er over ett år gammel og kan innholde utdatert informasjon

Artikkelen fortsetter under annonsen

Bergensarane er ikkje heilt upåverka av Ryggs forsøk på å diskutere fjell og nasjonalkjensle. (Foto: Arne Magnar Rygg)Bergensarane er ikkje heilt upåverka av Ryggs forsøk på å diskutere fjell og nasjonalkjensle. (Foto: Arne Magnar Rygg)

Kunstverket er ein del av prosjektet Luftslott, som går føre seg i Bergens Byrom i vekene før jul.

Marokko og USA


Arne Magnar Rygg kjem ikkje frå Bergen, men har budd i byen i 14 år.

Ideen til verket «By-fjell» fekk han då han var i Marokko, og fann orda «God», «King Hassan» og «Agadir», på eit fjell over turistbyen Agadir.

Verket minner sjølvsagt også om dei berømte hollywoodbokstavane i Los Angeles, som er med på å selje USA sin viktigaste eksportartikkel, den amerikanske filmindustrien.

Stolte


Kva er det Rygg ønskjer å selje? Eller kva vil han seie med å plassere desse orda på Sandviksfjellet, eit av dei sju fjella i ein by der 16 prosent av folket, i følgje ei meiningsmåling, ser desse fjella som det dei er mest stolte av?

Artikkelen fortsetter under annonsen
Artikkelen fortsetter under annonsen

Bystyret i Bergen vedtok nettopp å ikkje gå inn på ei avtale om reklamefinansierte bymøbel. Byrommet skal vere ope for innbyggjarane, meinte politikarane. Kva rolle har kunstnarane i denne samanhengen?

Arne Magnar Rygg seier i ei pressemelding at prosjektet ikkje er meint som ein provokasjon. Hensikta er heller å skape ein debatt rundt kva byfjella betyr for Bergen.

Kva tenkjer vi om oss sjølv?


Ved å løfte Gud, kongen og fedrelandet opp på fjellet, spør han om desse framleis er samanbundne og viktige for måten både bergensarar og andre tenkjer om oss sjølv i Noreg.


Debatt


Sikkert er det at bergensarane ikkje lar det gå upåakta hen at nokon herjar med fjella deira. Sjølv om bokstavane er langt mindre enn dei i Hollywood, og berre skal stå fram til julaftan, er debatten på Bergensavisen sine nettsider i skrivande stund på 12 sider.

Nokre av debattantane støttar prosjektet, og synest det er flott, men mange er verkeleg provoserte, og nokre trugar til og med med å brenne eller øydeleggje heile kunstverket.

Les meir på nettet:


  • Følg (og ta del i) debatten om byfjellprosjektet her

  • Arne Rygg sin nettstad finn du her

  • Meir om kunstprosjektet Luftslott her

  • Meir om byfjella i Bergen her

ABC Startsida:


Les meir nynorsk i Neste Klikk:
Aktuelt
Helse og samliv
Konkurransar
Kultur
Mat og drikke
Moro
Dyr
Forbruk(ar)
Nett og teknologi
Næringsliv
Reise og oppleving