35 000 for nynorsk
Norges Mållag starta ein underskriftskampanje på landsmøtet sitt i april.
Oppropet «Slepp nynorsken til! Opphev forbodet mot nynorsk i Dagbladet og VG!» var ein protest mot at VG og Dagbladet ikkje tek inn redaksjonelt stoff skrive på nynorsk.
Førstkommande laurdag blir kampanjen avslutta med brask og bram på Det norske teateret i Oslo.
Då vil leiar i mållaget, Steinar Tungesvik, overrekke over 35 000 underskrifter til redaktørane av dei to avisene.
Responsen på underskriftskampanjen har vore heilt overveldande, og ei rekkje kjende og mindre kjende forfattarar, forlagsfolk, kulturarbeidarar, journalistar, musikarar, politikarar, studentar og nynorskingar flest har strøymt til for å støtte oppropet.
Forfattar Olaug Nilssen underheld, og Guro Gravem Johansen syng nynorsk jazz på tilstellinga, som er ope for alle.
Og viss du enno ikkje har skrive under, så har du enno sjansen, på: www.nm.no/sleppnynorskentil/