Dei unge går mest på kino
Artikkelen fortsetter under annonsen
Artikkelen fortsetter under annonsen
(NPK): 68 prosent av befolkninga hadde i 2004 vore på ein eller fleire kinoframsyningar. Blant personar i alderen 9-24 år hadde minst 90 prosent vore på kino. Til samanlikning var berre 26 prosent av 67-79-åringane på kino.
Elevar og studentar, personar i yrke som krev akademisk eller annan fagleg utdanning er ivrigare kinogjengarar enn andre grupper. God økonomi og høg utdanning heng også saman med kinobesøk. Det er mest kinobesøk i storbyane og minst i spreidtbygde strok av landet.
Det er helst krim- og actionfilmar, komediar, barne- og familiefilmar og sosialdrama som folk ser på kino. Det går fram av Norsk kulturbarometer 2004. (NPK)