Ho skal leia Senterungdommen
Sandra Nygård Borch set klare krav til moderpartiet.
Jusstudenten Sandra Borch (23) frå Lavangen i Troms er valt til ny leiar i Senterungdommen.
Etter ein intens valkamp og eit jamt løp, vart Sandra Nygård Borch valt som ny ledar i Senterungdommen. Av 166 avlagde stemmar fekk Sandra Nygård Borch 85 stemmer og fekk med det fem stemmar meir enn motkandidaten Lars Vangen.
– Eg er veldig audmjuk med tanke på den tilliten eg har fått og det viser at eg er han verdig. Det viktigaste for meg framover vil vera å byggja ein tydeleg og profilert ungdomsorganisasjon, seier nyvalt leiar Sandra Nygård Borch i ei pressemelding.
Landsmøtet i Senterungdommen vedtok i dag ein resolusjon som viser ungdomspartiet er utålmodige når det kjem til å vera eit meir markant og tydeleg politisk alternativ.
– Senterungdommen meiner at vegen til vidare vekst ligg i ei tydelegare stemme for dei sentrumsverdiane som skil oss frå samarbeidspartnarane våre, står det i resolusjonen.
Artikkelen fortsetter under annonsenArtikkelen fortsetter under annonsen– Senterpartiet er eit sentrumsparti som kan samarbeida til både høgre og venstre. For at denne posisjonen skal vera relevant må me veksa utover det veljargrunnlaget me har i dag, heiter det vidare.
LES OGSÅ: Opne for å bli med i Høgre-regjering
Landsmøtet til Senterungdommen går denne helga føre seg i Hell i Trøndelag. Ungdomspartiet har i løpet av året hatt ein stor medlemsvekst, og tel no over 1500 medlemmar.
Relaterte artiklar
- Er norsk politikk for einsretta?
- Krev betre trafikktryggleik for unge
- Tidenes yngste Sp-liste
- Rekordvekst for ungdomsparti
- – Ikkje berre traktor
- Dette bør dei eldre bry seg om
- SV og Venstre mest pop blant unge
- – Kryss fram ein ungdom
- Delt på midten om røysterett
- Kjempar om leiarvervet
Kva meiner du blir den beste regjeringa etter 2013-valet?