Leitemannskap etter eit snøskred på Svalbard. Foto: Kolbein Dahle / Sysselmannen / SCANPIX
Ekstrem skredfare i påskefjellet
Raude Kross fryktar fleire snøskred denne påsken. Å ta sjanser kan vere dødsfarleg.
Denne artikkelen er over ett år gammel og kan innholde utdatert informasjon
Artikkelen fortsetter under annonsen
Denne påsken er det svært stor skredfare i Ryfylke, Hunnedalen og Sirdal.
- Snøskredfaren er no nesten ekstrem enkelte stader. Risikoen varierer. Er du ikkje sikker på tilhøva der du er, så ligg unna. Det er ingen spøk å tulle med snøen, seier Lars Reidar Fosstveit, dagleg leiar ved Sauda skisenter til Aftenbladet.no.
Måndag blei ei 17 år gammal jente redda ut frå eit skred ovanfor det øvste trekket i skianllegget i Svandalen i Sauda. Ho skal ha lege under snøen i ti minutt.
Øyvind Markel ved Rogaland Raude Kross sin informasjonssentral i Hunnedalen er bekymra for skredfaren i påskefjellet.
- Det har kome mykje tung snø. Mildvêr fører til fuktigheit i snølaga, noko som auker skredfaren. Nokre stader er det ekstrem fare, seier Merkel til Aftenbladet.no.
Vind som har bygd snøfonner, gjer risikoen endå større.
- Folk i fjellet må ta omsyn og tenkje seg om, anten skredfaren er stor eller liten, seier Markel i Rogaland Raude Kross.
Kjelde: Aftenbladet.no
