- Norsk 17-åring valdteken på Sunny Beach
Valdtekten skal ha skjedd for nokre dagar sidan, og jenta skal no vere tilbake i Noreg. Det melder VG Nett.
17-åringen skal ha blitt dopa ned før ho blei angripen og valdteken.
Fleire liknande tilfelle har kome fram tidlegare i sommar.
Fire danske jenter mellom 16-18 år har blitt valdtekne. Ein dansk 17-åring blei kvalt av sitt eige oppkast etter ein bytur og dørvaktar har også slått ein svensk 24-åring ihel på ein utestad.
Ei rekkje ungdommar har fortald at det har blitt putta dop i drinkane deira på utestadane i Sunny Beach. I tillegg har mange opplevd å bli rana med pistol og kniv på veg heim frå byturar.
Feriestaden er svært populær blant nordiske ungdommar, men har på grunn av alle valdshandlingane i sommar fått namnet «Bloody Beach».
Informasjonssjef i Apollo, Helen Begby, stadfestar overfor VG at reiseselskapet kjenner til valdtekten av 17-åringen, men vil ikkje uttale seg til avisa grunna omsyn til pårørande.
---
Illustrasjonsfoto forside: Flickr.com