Spania invadert av blodsugande svartfluger
Ein invasjon av svartfluger plager spanjolane.
Ein invasjon av svartfluger har fått styresmaktene i det nordaustlege Spania til å sende ut varsel på TV og flygeblad der dei rådar folk til å dekkje seg til og unngå elveområde tidleg om morgonen og ved skumring. Det melder Guardian.
Det blogsugande insektet har formert seg svært seg raskt langs elvene og reservoara i Catalonia og Aragon den siste tida.
Svartfloga er berre to til tre millimeter lang, mykje mindre og vanskelegare å få auge på enn mygg, men i fjor sendte det glupske bittet meir enn 2000 menneske på sjukehus i Catalonia aleine.
Fluga har kraftige kjevar. Bittet, som sprutar ein cocktail av kjemikaliar inn i offeret, kan føre til allergiske raksjonar. Ofte oppdagar ein ikkje skaden før etter at fluga har floge sin veg.
- Om myggen er ein kirurg som bit med ein sonde, er svartfluga ein slaktar som skrapar av huden og får deg til å blø, seier Raul Escosa, medlem av elvemiljøstyret til elva Ebro, som renn gjennom Catalonia, til den spanske avisa El Pais.
Artikkelen fortsetter under annonsenArtikkelen fortsetter under annonsen- VI måtte ta den 18 år gamle dottera mi til ein hudlege og ein allergolog fordi ho hadde fått ei mengde hevingar på åtte til ti centimeter, seier Jesus Llop, bystyremedlem i byen Mequinenza.
Svartfluga, Simulideknotten, blei først oppdaga i regionen i 1997, og har sidan auka kraftig i talet. I motsetnad til myggen, så formerer svartfluga seg i reint elvevatn. Regionale ekspertar trur at den pågåande invasjonen kjem av forbetra vasskvalitet og nye vatningskanalar, som skapar eit nytt habitat.
I Sveits skal ein angripande sverm svartfluge ha tatt livet av ein kalv.