Ytterlegare ein hiv-mann pågripen i Stockholm

Ein 35 år gammal mann er pågripen og sikta for grov mishandling og valdtekt av to kvinner. Begge dei to kvinnene er hiv-smitta av mannen.

Denne artikkelen er over ett år gammel og kan innholde utdatert informasjon

Ei 47 år gammal kvinne og ei 16 år gammal jente har begge blitt valdtekne av 35-åringen. Jenta skal berre ha vore 14 år då ho blei smitta.

Sjarmerande

Den sikta skal ha vore svært sjarmerande mot kvinnene når han møtte dei ute på byen i Stockholm, men skal så ha endra oppførsel totalt og blitt forvandla til ein valdtektsmann som smitta dei med hiv.

- Han har vore svært brutal, seier Patrik Lillqvist ved Stockholmspolitiet til Expressen.

Mannen skal ha vore ein gjengarar i Stockholms uteliv i meir enn to år. Hans sjarmerande og vinnande vesen skal ha gjort at han lett kom i kontakt med kvinner. Men ingen kjende til at mannen var hiv-smitta.

I vår gjekk ei 47 år gamle Stockholmskvinna til politiet og meldte mannen for valdtekt. Då politiet identifiserte mannen, fann dei også legejournalen hans, som avslørte at mannen var hiv-smitta.

Brutal

Ytterlegare etterforsking viste også at 34-åringen hadde valdteken ei 14 år gammal jente i sør-Sverige for to og eit halvt år sidan.

No er både ho og den 47 år gamle kvinna smitta av hiv.

Ifølgje Stockholmspolitiet skal mannen medvitent ha spreidd smitten vidare. Mannen skal også ha mishandla kvinnene på det grovaste.

- Han har vore svært brutal og gjort stor skade på kvinnene, seier Patrik Lillqvist til Expressen.

35-åringen har vore fengsla sidan måndag.

Tredje avsløringa

Dette er den tredje hiv-mannen som er avslørt i Sverige på kort tid. I førre veke blei ein 32 år gammal mann arrestert, sikta for å ha hivsmitta fleire jenter etter å hatt seksuell omgang med minst 130 unge jenter.

Måndag blei det kjend at eitn 27 år gammal mann er mistenkt for å hiv-smitta tre kvinner.

Mer fra ABC Nyheter
Siste fra forsiden

Velkommen til debatt

ABC Nyheter ønsker velkommen til debatt om det meste. Men vi krever at du er saklig og viser respekt for menneskene sakene handler om og dine meddebattanter. Regler for kommentering finner du her.

Tor Strand, redaktør.

comments powered by Disqus