Jenter på vill ferd med gravemaskin

To jenter i 12-14 årsalderen fekk i helga start på to gravemaskiner og køyrde vilt rundt i ein barnehage.

Denne artikkelen er over ett år gammel og kan innholde utdatert informasjon

Gravemaskinane stod parkert på ein byggjeplass like ved ein barnehage på Stord.

- Det er nesten ikkje til å tru at dei har fått maskinene i gong, seier entreprenøren Bjarne Nordtvedt til avisa Sunnhordland.

Dei to jentene fann nøklane inne i førarhuset og klarte å køyre 70-80 meter med den eine maskina, ein 4,5 tonn tung Kumatsu. Dei stansa ikkje før det eine beltet gjekk av då dei prøvde å kome seg opp ei kneik.

Deretter gjekk dei inn i ei endå større gravemaskin. Denne maskina skal ha visstnok ha ein særleg vanskeleg startprosedyre nettopp for å gjere den utilgjengeleg for uvedkomande.

Jentene gravde litt i bakken der maskina stod, men fekk ikkje flytta på ho. Entreprenøren meiner dei to har vore heldige som har kome velberga frå hendinga og utan å gjere større skade.

Jentene skal også ha spraya smilefjes og stygge ord på vindauge og kontainarar i området.

Dei skal no ha tilstått ugjerninga, og Nordveit seier til Sunnhordland at han ikkje vil melde saka til politiet.

Personvernpolicy