Dan Brown frikjend for plagiat
Den britiske appell-domstolen bestemte onsdag at Dan Brown ikkje har plagiert boka «Hellig blod, hellig gral», utgjeven av Michael Baigent og Richard Leigh. Dei to historikarane skulda suksessforfattaren for å ha kopiert sentrale delar frå boka deira og brukt dei i over seks kapittel i «Da Vinci-koden».
Begge bøkene er basert på ein teori om at Jesus og Maria Magdalena var gift og hadde eit barn, og at slektslinja deira kan sporast heilt fram til i dag.
Men no har retten avvist at det er snakk om plagiat, og Baigent og Leigh sit igjen med saksomkostningar på 6 millionar dollar, nesten 36 millioner kroner.
I fjor kom Høgsteretten i London fram til same konklusjon.
«Da Vinci-koden» er ein av dei mest suksessrike romanar gjennom tidene, og har selt i over 40 millionar eksemplar verda over. Ein filmversjon av boka med Tom Hanks i hovudrolla blei lansert i fjor.
Kjelde: USAToday.com
Les også: