Vestlendingar på reflekstoppen

Ingen er flinkare til å bruke refleks enn folk i Rogaland og Sogn og Fjordane. Det går klart fram av teljingar som Trygg Trafikk har gjennomført i oktober og november.

Denne artikkelen er over ett år gammel og kan innholde utdatert informasjon

Folk i Rogaland og Sogn og Fjordane er flinkast til å bruke refleks. (Illustrasjonsfoto: Erlend Aas / Scanpix)Folk i Rogaland og Sogn og Fjordane er flinkast til å bruke refleks. (Illustrasjonsfoto: Erlend Aas / Scanpix)

(NPK): Etter at haustmørket har senka seg, er folk blitt flinkare til å bruke refleks over heile landet. Men framleis er det alt for få som sørgjer for å bli sett langs vegen i lange, mørke kveldar. Fire av fem fotgjengarar er nesten usynlege i mørket.

Trygg Trafikks refleksteljingar viser at 18,3 prosent av fotgjengarane brukte refleks i slutten av november.

- No må folk skjerpe seg. Fest eit par refleksar på jakka i dag, så blir du tryggare i trafikken resten av vinteren, oppmodar Janne Schumann som er prosjektleiar for refleks i Trygg Trafikk.

Rogalendingane har skjerpa seg frå oktober til november, nesten halvparten brukte refleks i november, 45 prosent. Rogaland har dermed passert Sogn og Fjordane som var best ved førre måling, men som no har gått tilbake til 38 prosent. Begge desse fylka ligg langt over landsgjennomsnittet. (NPK)

Personvernpolicy