Kan rømme frå sterk krone
NHO trur konsekvensane blir lite hyggelege dersom krona styrkar seg kraftig.
Denne artikkelen er over ett år gammel og kan innholde utdatert informasjon
Viss krona blir oppfatta som permanent sterk, kan vi få ei utflaggingsbølgje som i 2003, meiner sjefsøkonom i NHO, Tor Steig. (Foto Knut Falch / Scanpix)
(NPK): Ekspertane ventar ei utvikling mot sterkare krone i tida som kjem.
Ei fersk analyse laga av DnB Nor viser at dollaren og euro på kort sikt kan falle ned til kursar på høvesvis 5,98 og 8,01 kroner.
- Viss krona blir oppfatta som permanent sterk, kan vi få same utvikling som i 2003. Vi fekk ei utflaggingsbølgje. Då kan vi få store problem med å få bedriftene til å kome attende, seier Tor Steig, sjeføkonom i Næringslivets Hovudorganisasjon, til Dagens Næringsliv.
Ei sterk krone betyr at norske varer blir dyrare i utlandet og at konkurranseevna blir svekt. Konsekvensane av ei massiv utflytting kan føre til større arbeidsløyse.
- Det kan vere fristande for mange bedrifter å flytte akkurat no. Men vi må hugse på at vi er i ein unormalt sterk konjunktur, seier Steig til DN. (NPK)
Velkommen til debatt
ABC Nyheter ønsker velkommen til debatt om det meste. Men vi krever at du er saklig og viser respekt for menneskene sakene handler om og dine meddebattanter. Regler for kommentering finner du her.
Tor Strand, redaktør.