Fedme trugar Afrika
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
- Afrika har gått frå underernært til overernært utan å ta vegen om normal ernæring, meiner Dr. Krisela Steyn. (Foto: sxc.hu)
- Afrika har gått frå underernæring til overernæring, utan å ha gått vegen om normal ernæring.
Det seier avgåande leiar av South African Medical Research Council's Chronic Disease and Lifestyle unit, Krisela Steyn.
Aukar i omfang
WHO reknar med at 41 prosent av afrikanske kvinner og 30 prosent av afrikanske menn vil vere overvektige i løpet av ein tiårsperiode. Allereie no er kontinentet på god veg til å nå desse tala.
Til dømes er 56 prosent av kvinnene i Sør-Afrika overvektige eller feite, medan mindre enn 10 prosent av sør-afrikanarane er undervektige.
Stor og velståande
Årsaka til aukande fedme i Afrika er samansett, men det handlar mykje om sosiale og tradisjonelle normar, meiner Steyn. I mange afrikanske land blir det sett på som eit sunnheitsteikn og eit teikn på velstand å vere «stor». Folk som tapar vekt, blir gjerne mistenkte for å ha tuberkulose eller AIDS.
Ironisk nok er den fattige delen av befolkninga mellom dei som er mest utsette for fedme. Barn som har låg fødselsvekt og som blir feilernærte i barndommen blir lettare overvektige når dei blir vaksne. Det er heller ikkje uvanleg at vaksne over-matar desse barna for at dei skal ta igjen det forsømte.
Uhøfleg å seie nei
Men også aukande levestandard og sterkare urbanisering må ta sin del av skulda. Søt, feit og hurtig mat i kombinasjon med eit meir stillesitjande liv har sett sitt preg også på det afrikanske folket.
Utfordringane er store i eit kontinent kor det blir rekna som svært uhøfleg å takke nei til mat.
- Overvekt tyder tradisjonelt rikdom, suksess og lukke, seier Steyn. - Mange afrikanske kvinner er stolte av sine store magar, for det tyder at dei har ein mann som kan forsørgje dei godt.
Om lag ein milliard menneske er overvektige i verda, medan 800 millionar er underernærte.
