Sverige best på demokrati
Det er Economist Intelligence Unit som har gjort ei undersøking om den demokratiske tilstanden i 167 land.
Undersøkinga har delt landa inn i tre kategoriar: Fullt demokrati, ufullkomne demokrati, hybrid-regime (delvis demokrati) og autoritære regime. Ein har sett på valprosessar, korleis styresmaktene fungerer, politisk deltaking, politisk kultur og sivile rettar.
28 av landa kjem i kategorien fullt demokrati. Av desse er sytten EU-land.
Nord-Korea taper
Det ikkje-europeiske landet som gjer det best på demokrati, er Australia som hamna på 8. plass. USA kjem berre på 17. plass, noko undersøkinga seier skuldast «aspekt ved sivile rettar og styresett».
I botnen av lista, og altså dårlegast på demokrati, er Nord-Korea. Saman med 54 andre land ligg det i kategorien autoritære regime. Omlag 40 % av jordas befolkning lever under autoritære styre, medan over helvta av oss lever i demokrati.