Demonstrasjonar ventar Bush i Indonesia

Artikkelen fortsetter under annonsen

USAs president George W. Bush kjem til å bli møtt av høglydte protestar og store demonstrasjonar når han besøkjer Indonesia måndag.

Denne artikkelen er over ett år gammel og kan innholde utdatert informasjon

Artikkelen fortsetter under annonsen

USAs president George W. Bush kjem til å bli møtt av kraftige protestar og store demonstrasjonar når han besøkjer Indonesia måndag. Her på avslutninga av APEC-toppmøtet i Vietnam i helga. (Foto: REUTERS/Hoang Dinh Nam/Pool/SCANPIX)USAs president George W. Bush kjem til å bli møtt av kraftige protestar og store demonstrasjonar når han besøkjer Indonesia måndag. Her på avslutninga av APEC-toppmøtet i Vietnam i helga. (Foto: REUTERS/Hoang Dinh Nam/Pool/SCANPIX)

Bogor (NTB-AFP): Besøket til Bush har ført til høglydte protestar frå indonesiske muslimar, som er opprørte på grunn av den amerikanske krigføringa i Irak.

- Vi protesterer mot besøket til George W. Bush ettersom vi meiner at denne
gjesten har late muslimsk blod flyte, seier Dadang Ruchnyana, politikar i
det framgangsrike Framstegs- og justispartiet.

Bush sitt besøk blir rekna som eit teikn frå USA på kor viktig amerikanske styresmakter meiner Indonesia er i kampen mot terror, men besøket, som berre kjem til å vare nokre timar, har utløyst daglege protestar frå muslimske grupper og studentar i helga.

Indonesisk politi har meir eller mindre stengt av sentrum av byen Bogor før Bush kjem måndag morgon.

- I Bogor er det allereie om lag 15.000 demonstrantar. Vi ventar fleire,
seier Habib Affegaf, som er leiar i Alliansen av foreinte muslimars
organisasjonar. (©NTB)