Betalte heimlause for å få PlayStation 3 på svartebørs
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
Den nye PlayStation 3 er ikkje til sals i Europa før til neste år. I mellomtida kan du kjøpe ein «brukt» på nettet eller i japanske butikkar, men då kostar det skjorta. (Foto: kotaku.com)
Folk stod i kø i timevis for å kjøpe seg den nye PlayStation på laurdag, utan at det hjelpte stort, og mange måtte gå tomhendte heim att.
Men somme var meir utspekulerte: Den japanske spelenettstaden Kotaku fortel at japanske forretningsfolk betalte mange heimlause kinesarar for å stå i kø for seg.
Heimlause kinesarar
- Dei første som kjøpte PS3 var hovudsakleg eldre kinesiske menn eller unge kinesiske kvinner som snakka dårleg japansk, skriv ein av Kotakus lesarar på nettstaden.
Etter å ha handla PS3, leverte desse uteliggjarane maskinene vidare til japanarar som truleg har hatt til hensikt å vidareomsetje dei.
Utsalsprisen for ein PlayStation 3 var på 270 engelske pund, eller om lag 3 300 norske kroner. Kort tid etter at butikkane var tømde for PlayStationar, kunne ein kjøpe «brukte» PS3 i japanske butikkar og på nettet til opp mot 770 pund.
Viktigaste for Sony
Japan fekk æra av å vere det første landet til å selje PlayStation 3, og der var berre snautt 100 000 einingar lagt ut til sal .
Mange har venta lenge og vel på den nye PlayStation 3. Sony hadde berre eit avgrensa opplag å tilby då han vart lansert på laurdag. (Foto: Sony)
På grunn av problem med DVD-spelaren i PS3 har Sony nemleg ikkje vore i stand til å masseprodusere spelkonsollen enno.
Medan han blir lagt ut til sal i USA allereie førstkommande fredag, må den europeiske marknaden vente på PS3 heilt til mars neste år.
Sleppet av den nye PlayStation er ein av dei viktigaste lanseringane i Sonys historie, hevdar BBC.
