Fryktar flaum av dødsheroin
(NPK): Dette vil føre til auke i overdosedødsfall, åtvarar FN.
Ein rekordhaust har ført til at 6.100 tonn med ulovleg opium er produsert i Afghanistan. Det er over 90 prosent av forbruket i verda, slik at totalen i år vil vere 30 prosent høgare enn det er marknad til. Resultatet er langt sterkare og reinare heroin, skriv Dagsavisen.
I et brev til helseminister Sylvia Brustad åtvarar leiaren for FNs narkotikakontor, Antonio Maria Costa, om «den svært alvorlege helsetrusselen mot Noreg, nemleg faren for ein kraftig auke i talet på dødsfall grunna heroinoverdosar».
Mange stoffmisbrukarar kjem til å døy fordi dei tek dosar med mykje meir heroin enn dei toler.
Helse- og omsorgsdepartementet har bedt Sosial- og Helsedirektoratet planleggje korleis norske helsestyresmakter skal reagere. (NPK)