Mystisk sjøfunn på Vestlandet
Artikkelen fortsetter under annonsen
Denne artikkelen er over ett år gammel og kan innholde utdatert informasjon
Artikkelen fortsetter under annonsen
(NPK): Det var undervassfotograf Erling Svensen frå Eigersund som oppdaga den ukjende skapningen, fortel universitetsavisa På Høyden.
- Ein stor ball
Undervassfotografen karakteriserer den ukjende skapningen som ein stor ball, og seier til NRK Hordaland at det kjendest ut som å klemma på ein ballong. Fagfolk ved Universitetet i Bergen prøver no å finna ut av kva det mystiske funnet kan vera.
Institutt for biologi har mellom anna omtalt funnet i interbladet sitt og oppmodar folk til å koma med tips som kan hjelpa til med å oppklara funnet. Insituttet skriv at den ballforma gjenstanden er laga av eit tangaktig materiale, er ein halv meter i diameter, hol innvendig og kan minna om ein manet utvendig.
To alternativ
- Dette er ei morosam sak, og vi er framleis på jakt, seier førsteamanuensis Torleiv Brattegard ved Institutt for biologi ved Universitetet i Bergen. Han meiner det er to alternativ som peikar seg ut. Det kan enten vera ein art som er kjend andre stader, men oppdaga i Noreg for fyrste gong, eller det kan dreia seg om ein heilt ny art som ingen nokon gong har høyrt om. (NPK)
