- Hizbollah brukte også klasevåpen
New York (NTB): Det går fram av ein rapport frå
Human Rights Watch
, der det blir dokumentert at Hizbollah ved minst to høve nytta slike våpen.
Ifølgje rapporten skaut Hizbollah to kinesisk-produserte 122mm rakettar mot den israelske landsbyen Mghar 25. juli.
Raketten, som går under namnet Type-81, skal aldri tidlegare ha vore brukt, verken i Midtausten eller andre stader i verda.
- Det var med uro vi oppdaga at ikkje berre Israel men også Hizbollah brukte klaseammunisjon i den siste konflikten, i ei tid då mange land tar avstand frå slike våpen, nettopp fordi dei rammar sivilbefolkninga så hardt, seier Steve Goose som leier våpenprogrammet i Human Rights Watch.
- Bruk av klaseammunisjon i område med sivilbefolkning kan aldri rettferdiggjerast fordi slik ammunisjon er upresis og upåliteleg, seier Goose. (©NTB)