Løgndetektor for politikarar
Ein slags nettbasert løgndetektor er berre ei av tenestene som Google-sjef Eric Schmidt ser for seg at selskapet skal kunne levere.
Innan fem år
Han meiner at Google i løpet av fem år skal kunne levere ei teneste der faktiske opplysningar som politikarar seier, kan sjekkast opp mot historiske data.
Sjefen for verdas mest brukte søkjemotor var i Storbritannia denne veka og møtte statsminister Tony Blair. Han tala også på landsmøtet til det konservative partiet.
- Politikarane forstår ikkje heilt rekkjevidda av Internett, sa Schmidt til Financial Times. Han meiner at uvissa delvis kan skuldast alderen på politikarane, og at dei lærer det dei kan om nettet frå barna sine.
Artikkelen fortsetter under annonsenArtikkelen fortsetter under annonsenViktig for val
Ifølgje Eric Schmidt vil Internett få stor betydning for politiske val i framtida.
Schmidt skriv sjølv i avisa Sun at nettet har brote ned grensene mellom folk og informasjon, og bidreg til ein effektiv demokratiserande tilgang til kunnskap.
Så får vi sjå korleis det utviklar seg. Eit godt råd til politikarar er uansett å halde seg til sanninga.