Muggsopp og støv fremjer allergi

Muggsopp i fuktplaga hus, kombinert med allergifremjande allergen frå til dømes hund, katt og støvmidd, ser ut til å fremja utvikling av allergi og kanskje astma hos dei som er disponerte for det.

Denne artikkelen er over ett år gammel og kan innholde utdatert informasjon

(NPK): Det viser eit doktorgradsarbeid som Christine Instanes har utført ved Nasjonalt folkehelseinstitutt.

Forsøk med mus viste at allergennivået frå hund og katt i støv frå barnehagar og skular i Oslo i mange tilfelle er høge nok til å kunne vera årsaka til og forverre allergisk sjukdom.

I klasserom der mange av elevane hadde kjæledyr heime, var det ein tendens til at nivået av allergen var høgare enn i klasserom med få hunde- og katteeigarar. Instanes seier at det ser ut til å vera vanskeleg for allergisk disponerte barn å unngå å bli utsett for allergen i kvardagen sin, men tilrår at barn som er plaga av allergi blir plasserte i grupper eller klassar der det er færrast mogleg barn som har kjæledyr heime.

I barnehagane vart det også funne mykje allergen i madrassane som barna kviler på. Enten bør madrassane reingjerast oftare, eller det bør oftare kjøpast nye i dei tilfelle det er barn i barnehagen som er plaga av allergiar. (NPK)

Les meir nynorsk i Neste Klikk:


Aktuelt
Helse og samliv
Konkurransar
Kultur
Mat og drikke
Moro
Dyr
Forbruk(ar)
Nett og teknologi
Næringsliv
Reise og oppleving


Personvernpolicy